Loading…

Asociacioni, ulësja në OKB dhe ushtria – çështjet finale të Kosovës

  • 30/04/2018 | 08:11

Asociacioni, ulësja në OKB dhe ushtria – çështjet finale të Kosovës

Anëtarësimi në Kombet e Bashkuara, formimi i ushtrisë, si dhe themelimi i Asociacionit të komunave me shumicë serbe – duhet të jenë tri çështjet kryesore në kuadër të marrëveshjes finale Kosovë-Serbi, shkruan sot “Koha Ditore”.


Kështu ka thënë eksperti për çështje të Ballkanit, Daniel Serwer, në një intervistë dhënë “Kohës Ditore”. Diplomati amerikan ka kërkuar që në çdo rrethanë të shmanget ideja për ndarjen apo shkëmbimin e territoreve.

“Kosova duhet ta bëjë të qartë se nuk ka ndarje. Po ashtu, të kërkojë anëtarësimin në Kombet e Bashkuara, si dhe ta themelojë ushtrinë, edhe me kushtin që të vihen disa kufizime… Kosova duhet të bëjë diçka për themelimin e Asociacionit të komunave me shumicë serbe, sepse është pjesë e Planit Ahtisaari”, ka theksuar Serwer, profesor në universitetin “Johns Hopkins” në Washington.

Sipas tij, Kosova duhet ta shfrytëzojë ndryshimin e ambientit strategjik në Ballkan. Ndërsa si pozitive dhe mundësi për t’i dhënë fund problemit njëherë e përgjithmonë, Serwer e konsideron kushtin që Bashkimi Evropian i ka vënë Serbisë, e që është marrëveshja ligjërisht e detyrueshme.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë