‘As e sinqertë e as dashamirëse’, Lushaku-Sadriu: VV synoi kapjen e dy institucioneve

Jehona Lushaku-Sadriu bëri të qartë se arsyeja e vetme pse LDK-ja nuk u mor vesh me Lëvizjen Vetëvendosje ishte insistimi i Albin Kurtit që edhe posti i Presidentit t’i takonte partisë së tij, përcjell Gazeta Metro.

Duke folur në T7, deputetja e LDK-së theksoi se një kërkesë e tillë prish çdo ekuilibër politik në vend dhe tregon një tendencë për kontroll absolut.

Sipas saj, demokracia kërkon që pushteti të ndahet dhe të ketë balancë mes forcave politike, e jo që të gjitha pozitat kyçe të përfundojnë në një dorë të vetme. Ajo e quajti këtë lëvizje të Kurtit si të dëmshme për bashkëpunimin mes partive.

“Propozimi ishte i papranueshëm sepse u kërkua që presidenti t’i takojë Vetëvendosjes. Tendenca e një partie politike për t’i kapur dy institucione ekzekutive nuk është as e sinqertë e as dashamirëse”, deklaroi ajo./gazetametro.net