Arsyetim arrogant i avokatit të FFK: S’më intereson opinioni i juaj aty

Për momentin është duke u mbajtur emisioni Direkt në ATV ku tema është rreth zgjedhjeve në Federatën e Futbollit të Kosovës, shkruan Gazeta Metro.

Të ftuar për të biseduar rreth zgjedhjeve në FFK janë Arianit Ahmeti, Bujar Mehmeti , Taulant Hodaj (Sekretar i përgjithshëm në FFK) si dhe opinionisti Alban Lumi.

Derisa Arianit Ahmeti po fliste për opinionin ligjor të Ministrisë së Kulturës, Rinisë dhe Sportit, Hodaj u përgjigj me arrogancë duke thënë se nuk i intereson ai opinion.

“Çka më intereson more mua opinioni ligjor i gjithkuj aty. Sun e tërhek vërejtjen Ministria, sun ndërhynë në punë të brendshme të Federatës”.

“Ministrinë e kemi partner bashkëpunojmë mirë, ministri e sekretari janë njerëz kompetent aty”, tha Hodaj.

Kuvendi i thirrur nga Agim Ademi, nga shumëkush po konsiderohet si i jolegjitim, megjithëse Gramoz Vokrri kandidoi kundër kryetarit aktual. Një gjë e tillë megjithatë u refuzua nga FFK’ja, duke arsyetuar se disa nga nënshkrimet e dhëna për Vokrrin ishin të parregullta./gazetametro.net