Arrin në 12.124 numri i rasteve aktive me koronavirus në Kosovë

Gjatë 24 orëve të fundit janë shënuar edhe 807 raste të reja me COVID-19 në Kosovë, duke e dërguar kështu në 12.124 numrin e rasteve aktive, shkruan Gazeta Metro.

Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 1.816 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 807 raste pozitive.

Numri total i rasteve pozitive është 32.022 raste nga 125.792 persona të dyshimtë në virusin SARS-CoV-2 dhe 874 raste të vdekjes.

Prej dje, janë shëruar 677 pacientë derisa numri i përgjithshëm i të shëruarve deri më sot është gjithsej 19.024 raste, kurse numri i rasteve aktive është 12.124./gazetametro.net