Arrestohet një person në Rahovec, iu gjetën dy pushkë, një mitraloz dhe 130 fishekë
-
30/01/2023 | 20:52
Policia e Kosovës ka njoftuar se është arrestuar në Rahovec një person i dyshuar për veprën penale ‘Shkaktim i rrezikut të përgjithshëm’ dhe ‘Mbajtje në pronësi, kontroll ose posedim të paautorizuar të armëve’, transmeton Gazeta Metro.
Policia ka bërë të ditur se në koordinim me Prokurorin e Shtetit dhe në zbatim të urdhër kontrollit të lëshuar nga Gjykata, është kryer kontroll në vendbanimin e të dyshuarit Z.M, në fshatin Dejnë-Rahovec.
”Gjatë kontrollit në posedim të të dyshuarit janë gjetur dhe janë sekuestruar: Një pushkë gjysmë automatike, Një pushkë automatike, Një mitraloz si dhe 130 copë fishekë të llojeve të ndryshme dhe 26 gëzhoja,” thuhet në njoftim.
Tutje, PK ka njoftuar se pas intervistimit, me vendim të Prokurorit të Shtetit i dyshuari është ndalur në mbajtje për 48 orë.
Më poshtë gjeni njoftimin e plotë. /gazetametro.net
