Arrestohet Murat Jashari, i dyshuari për plagosjen e Vllasit

Është arrestuar Murat Jashari, ai që po thuhet të jetë është i dyshuari për plagosjen e avokatit Azem Vllasi.

Siç mëson portali Insajderi, i dyshuari i arrestuar është Murat Jashari, vëllai i ish-komandantit të UÇK-së, Ismet Jashari, i njohur si “Kumanova”.

Megjithatë, Policia e Kosovës ende nuk ka dalë me informacion nëse ka të dyshuar në rastin e plagosjes së avokatit Azem Vllasi në mëngjesin e ditës së sotme.

Zëdhënësi i policisë, Bajram Krasniqi, i kontaktuar nga Insajderi, nuk ka dashur të komentojë nëse ka të dyshuar të mundshëm, duke shtuar se shumë shpejtë policia pritet të dalë në konferencë për media, ku do të mësohen të gjitha detajet.

Avokati Vllasi është plagosur me armë zjarri sot rreth orës 8 të mëngjesit. Ai ka marrë plagë të krahun e majtë, dhe është duke marrë trajtim mjekësor në QKUK. Mjekët thonë se ai është jashtë rrezikut për jetë.

Për të kuptuar më shumë se kush është Murat Jashari, klikoni këtu. /gazametro.net