Arrestohen dy persona, dyshohet se kishin plagosur dëshmitarin për fajde

Dy persona janë arrestuar nën dyshimin për tentim vrasje ndaj një viktime të fajdeve. Siç tregon policia, viktima ishte plagosur e më pas u lëndua edhe me sëpatë.

Por, të arrestuarit janë të dyshuar për plagosje të një personi, i cili është dëshmitar për fajde.

Këtë për gazetametro.net e ka konfirmuar zëdhënësi i Policisë për rajonin e Prizrenit, Hazir Berisha.

“Po, lidhet me plagosjen e dëshmitarit”, ka thënë Berisha për Gazetën Metro.

Ndryshe,  policia raporton se gjatë bastisjes janë sekuestruar dëshmi materiale, e po ashtu janë sekuestruar edhe një sasi fishekësh të armës së zjarrit./gazetametro.net