Loading…

Armend Zemaj-Vitisë: Nuk e di çfarë qëllimi keni që thoni të pavërteta, me një USB ua kisha ofru krejt informatat

  • 01/06/2021 | 10:11

Armend Zemaj-Vitisë: Nuk e di çfarë qëllimi keni që thoni të pavërteta, me një USB ua kisha ofru krejt informatat

Ish-ministri i Shëndetësisë, Armend Zemaj i ka reaguar deklaratave të ministrit aktual Arben Vitia që u ankua se nga Qeveria Hoti nuk ka pranuar dokumentet e nevojshme sa i përket bisedimeve për të siguruar vaksinat Anti Covid.


Zemaj ka thënë se këto deklarime nuk i bëjnë nder Vitisë, duke thënë se ky i fundit nuk ka paraqitur as program politik për sektorin e shëndetësisë.

“Kjo mendoj nuk ju bën nder as juve, nuk keni paraqit as program politik për sektorin e shëndetësisë e këtë po e tregoni edhe sot”, tha ai.

Sipas ish-ministrit, Vitia po tenton që “paaftësitë e tij menaxheriale t’i paraqes si situatë të komplikuar pandemike”.

“Ju ose jeni keqinformuar ose po tentoni paaftësitë tuaja menaxheriale t’i paraqitni si të gjetura të komplikuara të situatës pandemike ose të situatës së shëndetësisë.

Dy gjëra që ju i thatë nuk janë të vërteta, është që të gjitha dosjet që ndërlidhen me vaksinat, përfshirë të gjitha negociatat dhe kërkesat e komunikimet ju kam dorëzuar në pranim dorëzim të detyrës si protokoll demokratik të cilin unë nuk e kam gjetur as nuk kam pranuar asnjë dokumentacion kur kam pranuar mandatin. Se cka keni bërë e si i keni trajtuar dosjet ku janë përgjigjen duhet ta kërkoni te stafi juaj”, tha ai.

“Unë kam qenë në Prishtinë z.ministër, edhe stafi im, krejt çka është dashtë janë 5 minuta me ardhë me një USB më ju informu për atë që ju kam ofru, jam i gatshëm në çdo moment në çdo orë të kem një komunikim për procesin e vaksinave. Nuk e di çfarë qëllimi keni që thoni të pavërteta. Çdo komunikim që kam pas, menjëherë e kam përcjellë te ju dhe e kam përcjell me gëzim se është në interes të qytetarëve. Se cka ka ndodhë e keni një deklaratë se po ka arritë nënshkrimi i parë i kësaj marrëveshje. Unë kam qenë në Prishtinë, ju jam ofru me dashamirësinë më të madhe”, ka thënë ai.

Zemaj ka pasur kritika edhe sa i përket procesit të vaksinimit dhe masat e reja Anti Covid.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë