Anulohet konkursi për ‘mungesë buxheti’, deputetëve u rriten pagat

Deputetëve, ministrave e të tjerëve nga stafi politik po planifikohet t’u rriten pagat, që do t’i shtohen shpenzimeve të buxhetit të shtetit, por Ministria e Financave ka anuluar një konkurs për vetëm 3 punëtorë të rinj në Gjykatën e Apelit.

Megjithëse Gjykata kishte nisur procesin e rekrutimit të stafit për 3 zyrtarë ligjorë, e ka anuluar konkursin pas kërkesës së Ministrisë, raporton KTV.

Ministria e Financave i ka thënë KTV-së se kjo është bërë për shkak të mungesës së buxhetit për këta punëtorë të rinj.

Mospërkrahja buxhetore e sistemit të drejtësisë, sipas kryetarit të Apelit, Hasan Shala, është në një formë ndërhyrje në punën e drejtësisë.