Loading…

Analistët serbë: Dialogut i duhet një restart, Serbia i ka humbur atutë

  • 13/11/2018 | 08:50

Analistët serbë: Dialogut i duhet një restart, Serbia i ka humbur atutë

Analistët serbë të intervistuar nga televizioni beogradas N1 besojnë se procesi i Brukselit është në qorrsokak dhe se dialogut për normalizimin e marrëdhënieve ndërmjet Kosovës e Serbisë i nevojitet një restart.

Srecko Djukic, ish diplomat, ka thënë se Beogradi e Prishtina po fortifikohen në pozicionet e tyre.

“Prishtina po kërkon qëllimin maksimal – d.m.th. pavarësinë dhe hyrjen në OKB, ndërsa Beogradi është i vetëdijshëm për gjithë atë që e ka lëshuar”, ka thënë ai për N1, transmeton gazetametro.net..

Sipas tij, Beogradi e ka huqur rastin që temat të cilat kanë rëndësi për të t’i vërë në rend dite në kohën e duhur – para se t’i ketë lëshuar institucionet në veri.

“Tash është tepër vështirë të fusësh në bisedime ndonjë temë të re, si për shembull pozitën e kishës, sepse kjo nuk i intereson Kosovës. kështu që ne jemi në një situatë shum të pavolitshme. Ne i kemi humbur atutë nga dora”, ka thënë ai.

N1 konstaton se pavarësisht pesimizmit në Beograd, burimet e agjencisë Beta në Bruksel kanë thënë se Federica Mogherini po përpiqet që deri në fund të vitit ta fuqizojë dialogun dhe të mos heqë dorë që marrëveshja ligjërisht e obligueshme të arrihet deri në fund të vitit 2019./gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë