Ambasadori britanik: Shumë i zhgënjyer me gjuhën e deputetëve dhe mos kalimin e Kodit Civil
-
17/03/2022 | 15:20
Ambasadori i Mbretërisë së Bashkuar, ka reaguar pas dështimit të votimit të Kodit Civile në parlamentin e Kosovës, duke thënë se ndihet i zhgënjyer me gjuhën e përdorur nga deputetët, shkruan Gazeta Metro.
Përmes një postimi në Facebook, është shprehur i zhgënjyer me mos miratimin e djeshëm.
Ai ka thënë se është e rëndësishme që gjuha në Kod dhe në debat, të respektojë të drejtat e njeriut të gjithë kosovarëve, përfshirë LGBTI+.
“Shumë i zhgënjyer që Kodi Civil nuk u miratua dje. Është e rëndësishme që gjuha, në Kod dhe në debat, të respektojë të drejtat e njeriut të të gjithë kosovarëve, përfshirë LGBTI+, në përputhje me Kushtetutën.
Kujtojmë se një ditë më parë, Kuvendi i Kosovës ka dështuar të miratoj Kodin Civil.
Në votim morën pjesë 61 deputetë, 28 prej tyre ishin për, 29 kundër dhe 4 abstenime, ndërsa LDK dhe PDK nuk morën pjesë fare në votim.
Gjithashtu duhet theksuar se gjuha e deputetëve të VV’së ishte e rëndë dhe fyese ndaj komunitetit LGBTI./gazetametro.net
