Ambasadori britanik: Aplikimi i Kosovës në Këshill të Europës është i mirëseardhur, ju uroj suksese

Kosova ka dorëzuar dje dokumentacionin e nevojshëm për anëtarësim në Këshillin e Europës, duke shfrytëzuar këtë mundësi pas përjashtimit të Rusisë nga ky këshill. Për këtë veprim ka folur edhe ambasadori britanik në Kosovë, Nicholas Abottt, shkruan Gazeta Metro.

Mbretëria e Bashkuar duket se edhe këtë herë ka dalur në krah të Kosovës, duke e mbështetur aspiratën e saj për anëtarësim në Këshillin e Europës.

“Dëshira e Kosovës për t’u anëtarësuar në Këshillin e Evropës është një sinjal i mirëpritur i përkushtimit të saj ndaj demokracisë, sundimit të ligjit dhe mbrojtjes së të drejtave të të gjithë qytetarëve të saj”, ka thënë Abbott në Twitter.

THREAD 1/2
Kosovo’s desire to join the Council of Europe is a welcome signal of its commitment to democracy, the rule of law and the protection of the rights of all of its citizens.

— Nicholas Abbott (@nickabbottfcdo) May 13, 2022

“Është gjithashtu një shenjë e gatishmërisë dhe vendosmërisë së saj për të mbështetur vlerat kyçe evropiane dhe për të çuar më tej integrimin e saj ndërkombëtar. I uroj suksese Kosovës”, përfundon shkrimi i tij.

Kosova dorëzoi dje dokumentacionin dhe është në pritje të marrjes në shqyrtim të kërkesës së saj nga Këshilli i Europës. Për t’u pranuar, Kosovës i duhen 31 vota, ndërsa në këshill janë 34 shtete të cilat e kanë njohur pavarësinë e Republikës së Kosovës dhe 12 që s’e kanë bërë një gjë të tillë./gazetametro.net