Loading…

Ambasadori amerikan takon presidentin serb, flasin për trenin

  • 17/01/2017 | 21:23

Ambasadori amerikan takon presidentin serb, flasin për trenin

Presidenti i Serbisë, Tomislav Nikoliç ka pritur në një takim ambasadorin amerikan në Beograd , Kyle R. Scott, për të diskutuar për situatën e krijuar pas incidentit me trenin Beograd-Mitrovicë. Ky takim, i cili u përcoll vetëm me njoftime për shtyp, ka kthyer në një polemikë komunikatash ngjarjen.


Njoftimi i parë për shtyp u dha nga Presidenca. Sipas tij, presidenti Nikoliç i ka shprehur indinjatën ambasadorit amerikan për faktin se kjo administratë ka themeluar shtetin e Kosovës, duke thënë se Uashingtoni ka krijuar shumë dëme.

Por Nikoliç, i cili edhe ditë më parë ka akuzuar administratën amerikane në largim, shpreson që Shtetet e Bashkuara të bëjnë më pak gabime me administratën e re. Megjithatë, menjëherë ka pasuar njoftimi i Ambasadës amerikane në Beograd.

Ambasadori Scott, sipas njoftimit amerikan, ka thënë se Shtetet e Bashkuara të Amerikës vazhdojnë ta mbështesin dialogun mes Kosovës dhe Serbisë.

“Kujtoj se 4 miliardë dollarë investime amerikane dhe 16 mijë punëtorë që punojnë për kompanitë amerikane në Serbi janë një tregues i fuqisë dhe jetësisë së marrëdhënieve dypalëshe”, thuhet në njoftimin e Ambasadës amerikane.

Arsyeja e takimit zyrtar është thënë të jetë rikaputilimi i vitit që lamë pas dhe marrëdhëniet në të ardhmen.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë