Loading…

Ambasadori amerikan komenton për herë të parë idetë për Shqipërinë e Madhe

  • 16/03/2017 | 20:38

Ambasadori amerikan komenton për herë të parë idetë për Shqipërinë e Madhe

Ambasadori i Shteteve të Bashkuara të Amerikës në Kosovë, Greg Delawie, ka komentuar për herë të parë idenë e shqiptarëve për krijimin e Shqipërisë së Madhe.

Gjatë një interviste në emisionin “Sporazum”, Delawie është pyetur se çfarë e justifikon krijimin e Ushtrisë së Kosovës – aspiratat për krijimin e Shqipërisë së Madhe apo diçka tjetër.

Ambasadori amerikan ka thënë se “Kosova është një shtet i pavarur dhe ne sigurisht e pranojmë se është e drejtë e një shteti të pavarur të ketë një ushtri nëse ai dëshiron. Është çështje sovraniteti”, transmeton Gazeta Express.

“Sa i përket Shqipërisë së Madhe, unë mendoj se kufijtë e Ballkanit kanë ndryshuar boll në dekadat e fundit, dhe unë jam shumë i kënaqur me kufijtë e sotëm”, është shprehur Delawie.

“Ne mbështesim Kosovën dhe kufijtë e saj aktualë, kufijtë që ajo i ka që prej pavarësisë së saj, kufijtë që janë në flamurin e Kosovës, dhe ne vazhdojmë të mbështesim Kosovën si shtet i pavarur e sovran”, ka thënë më tej ambasadori amerikan.

“Ne po punojmë për të bërë një Evropë të kompletuar, të lirë dhe paqësore, në fjalët e Churchillit, dhe ne besojmë se Ballkani në veçanti, dhe Evropa në përgjithësi, do të jenë më mirë me një Kosovë sovrane e të pavarur, në paqe me fqinjët e saj”, ka përfunduar përgjigjen Delawie.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë