Loading…

Ambasada Britanike e cilëson të gabuar anulimin e konkursit për drejtor të burgjeve

  • 12/10/2018 | 07:23

Ambasada Britanike e cilëson të gabuar anulimin e konkursit për drejtor të burgjeve

Ka rreth katër muaj që Nehat Thaçi është zgjedhur udhëheqës i Shërbimit Korrektues në Kosovë. Por pas dhjetë muajsh menaxhim me këtë institucion ai do të detyrohet ta lërë pozitën e tij. Kjo pasi Këshilli i Pavarur Mbikëqyrës për Shërbimin Civil ka vlerësuar se zgjedhja e Thaçit është e jashtëligjshme dhe u ka dërguar rekomandim Ministrisë së Administratës Publike dhe asaj të Drejtësisë që ta anulojnë këtë konkurs shkruan sot Koha Ditore.

Një gjë të tillë ky Këshill e ka bërë disa muaj pasi kandidati Ali Gashi është ankuar se përzgjedhja e drejtorit të Shërbimit Korrektues është e jashtëligjshme. Por vendimi i së enjtes ka ngjallur reagime tek Ambasada Britanike, e cila ka monitoruar procesin e zgjedhjes së Thaçit në këtë pozitë.

Në një prononcim për gazetën, Ambasada Britanike ka thënë se kandidatit të cilit i është aprovuar kërkesa nuk ka qenë fare në listën e ngushtë për këtë pozitë.

“Z. Ali Gashi është diskualifikuar në fazën e parë për shkak se përvoja e tij paraprake nuk përmbush kriterin e përvojës drejtuese së paku 5-vjeçare që kërkohet nga aplikantët që synojnë të emërohen në pozita të tilla të larta drejtuese, siç është pozita e drejtorit të përgjithshëm të Shërbimit Korrektues të Kosovës”, thuhet në përgjigjen e Ambasadës për gazetën.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë