Loading…

Ambasada amerikane në Prishtinë ul flamurin në gjysmështizë në nderim të viktimave që u vranë dje në Teksas

  • 25/05/2022 | 10:44

Ambasada amerikane në Prishtinë ul flamurin në gjysmështizë në nderim të viktimave që u vranë dje në Teksas

Ambasada e SHBA-së në Prishtinë ka ulur sot flamurin në gjysmështizë në nderim të 19 nxënësve që u vranë dje në një shkollë fillore në shtetin e Teksasit në ShBA.


Në shenjë respekti ndaj viktimave presidenti amerikan Joe Biden ka urdhëruar që flamujt në tërë SHBA-në të ulen në gjysmështizë.

“Sot flamuri ynë valon në gjysmështizë për të nderuar viktimat e akteve të pakuptimta të dhunës të kryera nga një person i armatosur në shkollën fillore Robb në Uvalde, Teksas dje”, thuhet në postimin e ambasadës së SHBA-së në Prishtinë.

Nëntëmbëdhjetë fëmijë dhe dy në moshë madhore kanë vdekur nga të shtënat në një shkollë fillore në jug të Teksasit.

Një sulmues 18-vjeçar hapi zjarr në Shkollën Fillore Robb, në qytetin Uvalde, përpara se të vritej nga forcat e sigurisë, thanë zyrtarët.

Hetuesit thanë se sulmuesi kishte qenë i armatosur me një pistoletë, me një pushkë gjysmë-automatike të llojit AR-15 dhe kishte pasur karikatorë me kapacitet të lartë.

Adoleshenti dyshohet se fillimisht ka qëlluar gjyshen e tij dhe më pas ka vazhduar sulmin.

Mediat lokale raportuan se ai mund të ketë qenë nxënës i një shkolle të mesme në atë zonë.

Shefi i policisë për qarkun e pavarur të shkollës Uvalde, Pete Arredondo, tha se të shtënat kishin filluar në orën 11:32 sipas kohës lokale gjatë së martës, dhe hetuesit besojnë se sulmuesi ka “vepruar i vetëm gjatë këtij akti të tmerrshëm”.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë