Amaneti i Mujë Krasniqit jeton në shërbim të qytetarëve përmes Kushtrimit

Heroi i Kosovës, Mujë Krasniqi – Komandant Kapuçi, ishte një nga luftëtarët më të përkushtuar dhe bashkëluftëtarët më besnikë të komandantit legjendar Adem Jashari. Me guximin, sakrificën dhe përkushtimin e tij ndaj lirisë, ai dha një kontribut të jashtëzakonshëm në rrugëtimin çlirimtar dhe në themelet e shtetndërtimit të Kosovës.

Sot, amanetin e tij e vazhdon djali i axhës, Kushtrim Krasniqi, një ekonomist i dalluar me përvojë profesionale prej gati dy dekadash në fushën e ekonomisë dhe menaxhimit.

Duke e vënë përvojën, dijen dhe përkushtimin e tij në shërbim të qytetarëve, ai ka zgjedhur të kontribuojë në jetën politike përmes radhëve të LDK-së, ku është kandidat për deputet në Kuvendin e Republikës së Kosovës.

Trashëgimia e dëshmorëve dhe heronjve të kombit jeton përmes atyre që vazhdojnë të punojnë me ndershmëri, përgjegjësi dhe përkushtim për Kosovën, duke mbrojtur idealet për të cilat ata dhanë jetën. Për një Kosovë më të zhvilluar, më të drejtë dhe me perspektivë për të gjithë qytetarët.