Loading…

Alivanosja e djeshme, a mund t’ia ndalojë Eriksenit futbollin liga e Italisë?

  • 13/06/2021 | 10:31

Alivanosja e djeshme, a mund t’ia ndalojë Eriksenit futbollin liga e Italisë?

Christian Eriksen ka gjasa të mos luajë përsëri futboll dhe Italia mund ta ndalojë atë të garojë përsëri nëse ai ka pësuar një sulm kardiak, sipas një kardiologu të njohur.


29-vjeçari u rrëzua në fushë gjatë ndeshjes Danimarkë – Finlandë në Euro 2020 pasi dyshohet se pësoi sulm kardiak – me raporte që pretendojnë se zemra e mesfushorit u ndal për pesë minuta në fushë.

Ylli i Danimarkës u kthye në jetë dhe gjendja e tij u stabilizua në kohën kur u transferua në spital, megjithëse ende ka frikë për shëndetin e tij dhe karrierën e tij.

Dr. Scott Murray, një kardiolog i NHS i specializuar në parandalimin e problemeve të zemrës, thekson se Italia krenohet me rekordin e tyre të parandalimit të sulmeve kardiake në futboll – kështu që problemet e lojtarit danez ka të ngjarë të parashikojnë fundin e kohës së tij në Serie A.

“Ndoshta është fundi i karrierës së tij. Italianët ndalojnë njerëzit që marrin pjesë në sport nëse zbulohet se kanë një anomali të konsiderueshme kardiake, është në ligj. Ata e kanë bërë atë për një kohë të gjatë, përtej 20 viteve dhe ata kanë ulur nivelet e vdekjeve nga sulmet kardiake në sport nga mbi 3 përqind në më pak se një përqind” – tha Murray për DailyMail.

Ylli i Interit u shtri në fushë pa ndjenja në fundin e pjesës së pare dhe mori trajtim të menjëhershëm CPR nga stafi mjekësor.

Ai u shtrua në spital dhe Federata Daneze e Futbollit konfirmoi se ai ishte zgjuar, i vetëdijshëm dhe agjenti i tij Michael Schoots konfirmoi se ai ishte në gjendje të fliste ndërsa po iu nënshtrohej ekzaminimeve të mëtutjeshme mjekësore.

Murray pretendon se Italia, ku Eriksen luan futboll me Interin, ka një nga sistemet më të mira në botë për të kontrolluar dhe parashikuar problemet e mundshme të zemrës dhe fakti që Eriksen pësoi një sulm kardiak pasi tregon se sa të rrezikshëm dhe të dyshimtë mund të jenë problemet e zemrës.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
mar[email protected]
Adresa: Rr. Tringë Smajli, Nr. 16
Prishtinë 10000
Kosovë