Alarmon AUV’i: Zbulohet pesticid në specin e kuq të bluar me origjinë nga Kosova

Agjencia e Ushqimit dhe Veterinarisë është njoftuar përmes Sistemit Evropian të Alarmit të Shpejtë për Ushqim dhe Ushqim për Kafshë (RASFF) lidhur me ndalimin e një dërgese me produkt ushqimor nga Kosova në kufirin me Finlandën, transmeton Gazeta Metro.

Bëhet fjalë për “spec të kuq të bluar”, i cili pas kontrollit laboratorik ka rezultuar me prezencë të pesticidit “Carbofuran” mbi nivelin e lejuar nga standardet e sigurisë ushqimore.

Pas konstatimit të rezultateve, autoritetet përkatëse kanë marrë vendim për asgjësimin e plotë të ngarkesës së ndaluar.

“E gjithë sasia është asgjësuar nga autoriteti kompetent”, thuhet në njoftim./gazetametro.net