Aksidenti zinxhiror në magjistralen Prishtinë-Podujevë: Autobusi, kamioni e vetura përplasen rëndë

Një aksident zinxhiror ka ndodhur para pak çastesh në fshatin Besi, në magjistralen që lidh Prishtinën me Podujevën, përcjell Gazeta Metro.

Në këtë përplasje janë përfshirë një autobus, një kamion dhe një veturë, duke shkaktuar dëme të konsiderueshme materiale.

Fatmirësisht, nga ky aksident nuk raportohet për persona të lënduar. Policia ka dalë menjëherë në vendin e ngjarjes dhe ka nisur hetimet për të zbardhur rrethanat se si erdhi deri te goditja e automjeteve.

Si pasojë e aksidentit, në këtë pjesë të magjistrales janë krijuar kolona të gjata mjetesh, duke vështirësuar qarkullimin në drejtim të Podujevës./gazetametro.net