Aksident me vdekje në Gjilan

Policia ka njoftuar se dje në Kllokot të Gjilanit, si pasojë e mospërshtatjes së shpejtësisë ka vdekur një person i gjinisë mashkullore në aksident.

“Ka ndodhur një aksident trafiku në mes të dy veturave, deri tek aksidenti dyshohet të ketë ardhur për shkak të mospërshtatjes së shpejtësisë së lëvizjes nga i dyshuari i cili me automjetin e tij e ka goditur nga mbrapa automjetin që drejtohej nga viktima”, thuhet në këtë njoftim, transmeton gazetametro.net.

Aty tutje bëhet me dije se si pasojë e aksidentit nga lëndimet e marra ka ndërruar jetë drejtuesi i automjetit. Vdekjen e viktimës e ka konstatuar mjeku kujdestar në vendin e ngjarjes. Me urdhër të prokurorit trupi i pajetë i viktimës është dërguar në IML për obduksion, ndërsa i dyshuari është arrestuar dhe pas intervistimit me urdhër te prokurorit është liruar në procedurë të rregullt. /gazetametro.net.