Loading…

Ahmeti dhe Çelaj, ‘të vetëm’ për Prishtinën

  • 20/04/2017 | 08:24

Ahmeti dhe Çelaj, ‘të vetëm’ për Prishtinën

Shpend Ahmeti nga LVV-ja dhe Lirak Çelaj nga PDK-ja kanë mbetur kandidatët e vetëm të deklaruar nga partitë e tyre për garën e Prishtinës. Partitë tjera po hezitojnë të deklarohen.


Shumica e partive politike në vend ende nuk i kanë bërë publike kandidaturat e tyre për kryetar të komunës së Prishtinës. Hezitimi i tyre po shfaqet edhe një muaj pas deklarimeve të tyre se shpejt do të dalin me kandidatët.

Vetëm dy partitë, lëvizja “Vetëvendosje” dhe Partia Demokratike e Kosovës (PDK), tashmë i kanë bërë publik emrat e kandidatëve të tyre për garën për të parin e kryeqytetit, shkruan sot Gazeta “Zëri”.

Partitë tjera, duke përfshirë edhe Lidhjen Demokratike të Kosovës (LDK), ndonëse deklaruan se shpejt do të dalin me kandidaturat e tyre për kandidatët për komunë të Prishtinës në zgjedhjet lokale, kjo nuk po ndodh. “Vetëvendosja” edhe të mërkurën ka rikonfirmuar se zyrtarisht Shpend Ahmeti është kandidat i kësaj partie për Prishtinën.

Kreu i LDK-së, Isa Mustafa, ka deklaruar për herë të parë në medie se LDK-ja është përcaktuar që të ketë kandidat femër për Prishtinën.

Kryeministri i Kosovës ka thënë se ende nuk kanë një emër për këtë kandidaturë.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë