Loading…

Agani deklaron se do të jetë kryetar i PD’së deri në vitin 2019

  • 15/02/2017 | 22:36

Agani deklaron se do të jetë kryetar i PD’së deri në vitin 2019

Partia e Drejtësisë ka vetëm një kryetar dhe ai është Ferid Agani. Kështu ka deklaruar vetë Agani, që mohon zgjedhjen e Sylejman Çerkezit për kryetar të kësaj partie.

Në shtator, Çerkezi kishte marrë shumicën absolute të votave apo pëlqimin e 110 delegatëve nga 112, që u tha të ishin në një Kuvend të jashtëzakonshëm të Partisë së Drejtësisë.
Megjithatë, ky votim nuk ishte pranuar as atë kohë nga Agani që ka përsëritur qëndrimin e tij.

“Partia e Drejtësisë është një dhe e ka vetëm një kryetar legal dhe legjitim. Për këtë mund të kërkoni informatat e duhura në Komisionin Qendror Zgjedhor ku janë të deponuara informatat zyrtare për çdo subjekt politik. Mandati im si kryetar i PD-së zgjat deri në qershor të vitit 2019 dhe në këtë aspekt nuk ekziston ndonjë paqartësi. Çdo informatë tjetër paraqet përpjekje meskine për të dëmtuar Partine e Drejtësisë dhe për të dezinformuar opinionin publik”, ka thënë ai për Koha.net.

Agani po ashtu është deklaruar edhe lidhur me zgjedhjet e ardhshme dhe për ndonjë koalicion të mundshëm parazgjedhor.
“Sa u përket zgjedhjeve dhe koalicioneve të mundshme politike vendimet meritore u takojnë organeve kompetente të partisë që do t’i marrin ato në kohën e duhur”, ka shtuar ai.
Agani po ashtu ka theksuar se koalicioni PD-PDK ka qenë “konstruktiv dhe parimor me shumë aspekte pozitive të bashkëpunimit të ndërsjellë”.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë