Loading…

Afrim Tovërlani flet për ndeshjen Ballkani-Zalgiris: Gjasat i kanë të barabarta të dyja ekipet

  • 05/07/2022 | 18:23

Afrim Tovërlani flet për ndeshjen Ballkani-Zalgiris: Gjasat i kanë të barabarta të dyja ekipet

Na ndajnë edhe dy orë nga përballja e shumë pritur mes Ballkanit dhe Zalgiris në kuadër të fazës së parë të Ligës së Kampionëve. Në lidhur me këtë ndeshje në një prononcim për Gazeta Metro ka folur trajneri dhe analisti, Afrim Tovërlani (Toki), për të cilin sonte asnjëra skuadër nuk është favorite, transmeton Gazeta Metro.


Me fillim nga ora 20:00 në stadiumin ‘Fadil Vokrri’ në Prishtinë kampioni i Superligës së Kosovës, Ballkani për herë të parë në histori të saj në garat europiane do të ndeshet kundër kampionit në fuqi të Lituanisë, Zalgiris.

Ish-trajneri i shumë skuadrave kosovare, Afrim Tovërlani, për Gazeta Metro ka thënë se sonte për suharekasit me rëndësi është të arrijnë të paktën një fitore minimale. Por, ka treguar edhe për përparësitë që mund të ketë skuadra nga Lituania.

”Realisht po mendoj që gjasat i kanë të barabarta të dyja ekipet, po mendoj kështu se edhe Zalgirisi bën pjesë në një ligë përafërsisht sikur e jona. Me rëndësi është që Ballkani minimumi të arrijë një fitore minimale dhe të udhëtojë në ndeshjen e kthimit. Përparësi e tyre është se ata janë në zhvillim të kampionatit kurse tek ne ka qenë pauzë dhe faza përgatitore. Se sa është komponuar Ballkani gjatë kësaj faze mbetet ta shohim prej orës 20:00,” tha Tovërlani.

I pyetur se nëse mendon që sonte ndonjë futbollist i skuadrës së Ilir Dajës mund të bëj diferencën në fushë, ai u përgjigj duke thënë: ”Jo nuk e kam asnjë, por duhet të shikojmë vetëm këtë ndeshje të parë sepse gjithçka është shumë diskutabile dhe tek mas kësaj sfide mund të japim ndonjë konkludim më ndryshe.”

Kujtojmë që ballafaqimi i dytë do të zhvillohet javën tjetër më 12 korrik në Lituani dhe skuadra e cila do të kualifikohet në raundin tjetër përballet me fituesin e ndeshjes Malmo-Vikingur Reykjavik. /gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë