Acari në Shqipëri, ngrica në liqene (Foto)

Në Shqipëri, ngricat vazhdojnë të shkaktojnë probleme. Qytetarë të shumtë raportojnë për vështirësitë që po hasin në këto ditë acari të pazakontë për vendin.

Një qytetar ka raportuar këtë mëngjes nga “Qafë Gjashta” e Sarandës, duke sjellë foto nga rruga me ngricë dhe ende pa u hedhur kripa, raporton Top Channel.

Ndërsa një qytetar tjetër nga veriu i vendit raporton për ngricat që janë shfaqur mbi ujërat e liqenit të Shkodrës.

I gjithë vendi po përjeton temperatura ekstreme, që kanë çuar deri në ngrirjen e tubacioneve të ujit të pijshëm.

Gjatë natës së kaluar, temperatura më e ulët u regjistrua në -15 gradë celsius nga matjet zyrtare në qytetin e Peshkopisë,  i cili mbetet dhe qyteti më i ftohtë i javës polare në Shqipëri. /gazetametro.net