AC Milan mposhtet sërish, rrezikon Ligën e Kampionëve

Dy ndeshje radhazi pa fitore për Milanin që deri para pak xhirove ishte në luftë për titullin kampion, kurse sot e ka rrezikuar seriozisht edhe top-4shen në Serie A.

Kuqezinjtë u mposhtën në udhëtim 2:0 nga Sassuolo, në kuadër të javës së 35-të në elitën e futbollit italian. Domenico Berardi kaloi vendasit në epërsi qysh në minutën e pestë të ndeshjes. Gjithçka mori kthesë tjetër për mysafirët, kur Tomori u ndëshkua me kartonin e dytë të verdhë në minutën e 24-të, duke lënë Milanin me një lojtar më pak në fushë.

Kjo fitore e ngrit Sassuolon në pozitën e nëntë me 49 pikë të grumbulluara.

Në anën tjetër, Milani mbetet me 67 pikë në vendin e tretë ku e ndjek nga afër Juventus me vetëm dy pikë larg, që gjithashtu ngeci duke barazuar me Hellas Verona të dielën e duke mos shfrytëzuar rastin për t’u shkëputur nga Como që barazoi të shtunën.

AS Roma do t’i afrohej në tre pikë Milanos nëse mposht të hënën Fiorentinën në Stadio Olimpico.