Loading…

Abrashi premton buxhet të veçantë për Dardaninë

  • 29/09/2017 | 15:21

Abrashi premton buxhet të veçantë për Dardaninë

Kandidati i LDK-sw për kryetar të Prishtinës, Arban Abrashi, gjatë një takimi me banorët e lagjes “Dardania” në Prishtinë, ka thënë se kjo lagje është lënë anash në katër vitet e fundit, ndërsa në mandatin e ardhshëm do të ketë një buxhet të veçantë për investime në këtë zonë. 


“Banorët e Dardanisë janë dëshmitarë që nuk po mirëmbahen lojërat dhe këndet për rekreacione, të cilat viteve të fundit pothuajse janë shkatërruar tërësisht. Plani jonë është rehabilitimi i këtyre zonave nëpërmes investimeve të fuqishme”, ka thënë Abrashi.

Ai ju ka garantuar banorëve të “Dardanisë”, se do të bëjnë fasadimin e ndërtesave, do të rregullojë këndet e lojërave – shumica e të cilave tani janë shkatërruar, do të rregullojë ashensorët dhe hapësirat e përbashkëta nëpër banesa.

Plani i Abrashit për “Dardaninë” parasheh edhe ndërtimin e një staze për vrapim, më shumë parkingje dhe çka është më e rëndësishmja rritja e nivelit të pastërtisë dhe grumbullimi i mbeturinave.

Abrashi ju ka premtuar banorëve të lagjes se në bashkëpunim me nivelin qendror do të krijojë mundësi që të ketë një lidhje me magjistralen dhe të lehtësohet qasja në rrugët tjera të qytetit.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë