Loading…

Abdixhiku: Pyesim Kurtin se ku t’i gjejnë qytetarët paratë për shtrenjtimin e rrymës

  • 24/01/2022 | 13:18

Abdixhiku: Pyesim Kurtin se ku t’i gjejnë qytetarët paratë për shtrenjtimin e rrymës

Kryetari i LDK’së, Lumir Abdixhiku, ka kritikuar Qeverinë Kurti për propozimin që kanë sjellur në Kuvend në lidhje me shtrenjtimin e energjisë elektrike, në seancën e jashtëzakonshme që po mbahet për ta kundërshtuar këtë shtrenjtim, shkruan Gazeta Metro.


Abdixhiku tha se kriza është çdokund në rajon por çmimet nuk po rriten si në Kosovë nga kjo Qeveri.

“Paralajmërimi për shtrenjtim është i papërballueshëm, diskriminues. Si i tillë meriton përgjigje refuzuese nga ky Kuvend. Qeveria kishte mohuar se kishte krizë. Këtë mohim krize, na e solli me paralajmërimin se çmimet për energjinë do të kishin rritje rekorde. Është reagimi i vonshëm, si pasojë e paaftësisë, solli reduktime fillimisht e pastaj rritje çmimi. Sikur të reagonim me kohë, a do të ishte kjo shumë më e vogël se sot. Kush duhet të mbajë përgjegjësi për milionat e djegura si rrjedhojë e mos reagimit. Dikush duhet të mbajë përgjegjësi”, ka thënë ai.

Ai shtoi se Qeveria nuk po pyet se ku do i gjejnë qytetarët paratë e të mos gjunjëzohen pas 7 ditësh.

“Tani që dëmi enorm është bërë, si mund ta paguajë atë. Me paraqitjet e deritashme të qeverisë pyetja se a mund të përballohet ky cmim, nuk zë vend fare, zë vend pyetja ku ti gjej paret shteti. Pra nuk flitet nga perspektiva e familjarëve se ku do t’i gjejnë paret për të përballuar rritjen në fund të këtij muaj, po ku do t’i gjej paret kryeministri. Sot kryeministrit kemi një pyetje që duhet bërë, si t’i gjejnë paret 200 mijë familjare që të mos gjunjëzohen pas 7 ditësh”, ka thënë Abdixhiku./gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë