Loading…

AAK’ja kërkon të ndërpritet dialogu me Serbinë deri të lirohet Haradinaj

  • 09/03/2017 | 11:31

AAK’ja kërkon të ndërpritet dialogu me Serbinë deri të lirohet Haradinaj

Shefi i Grupit Parlamentar të AAK’së, Pal Lekaj, ka prezantuar një rezolutë për votim në të cilën kërkohët lirimi i menjëhershëm i kreut të kësaj partie, Ramush Haradinaj, dhe ndërprerja e dialogut derisa lirimi të ndodhë.


Lekaj i ka prezantuar tri pikat e rezolutës të cilat precizojnë se çka kërkojnë grupi i AAK’së. Në këto pika kërkohet lirimi i menjëhershëm i Ramush Haradinajt, kushtëzimi i dialogut me Serbinë derisa Haradinaj të lirohet, e gjithashtu i kërkohet institucioneve kosovare që të marrin të gjitha veprimet që të njoftoj shtetet tjera se i refuzon urdhërarrestet e Serbisë.

Por, kërsesën se AAK’së për këtë rezolutë, e kanë përkrahur vetëm Lëvizja Vetëvendosje dhe NISMA, të cilët u shprehen se pikat e rezolutës janë të nevojshme, shkruan gazetametro.net.

“Nëse Qeveria e Kosovës do ta kushtëzonte Serbinë me dialogun, do të ishte gjë e mirë. Më e pakta që mund të bëhet, është të kushtëzohet dialogu deri në lirimin e Haradinajt. VV’ja e përkrah fuqishëm”, ka thënë Glauk Konjufca i VV’së.

Ndërkaq, edhe Zafir Berisha nga NISMA e ka konsideruar si serioze këtë rezolutë, dhe ka shprehur përkrahjen.

“Edhe NISMA për Kosovën natyrisht se e përkrah këtë rezolutë. Kjo rezolutë mban elemente që na bën serioze”, ka thënë Berisha.

Por kanë qenë grupet më të mëdha parlamentare dhe pakicat që nuk e kanë përkrahur këtë formë, me ç’rast kanë kërkuar krijimin e një komisioni që do të hartonte një rezolutë të përbashkët.

“PDK’ja përsërit mospajtimin për vazhdimin e ndalimit të Haradinajt. Tashmë është tepruar gjithçka ndodhur rreth tij. Kërkoj që të koordinohemi për një rezolutë të përbashkët”, ka thënë Zenun Pajaziti, shef i grupit parlamentar të PDK’së.

Gjithashtu, edhe Ismet Beqiri i LDK’së ka kërkuar të njejtën gjë, duke sqaruar se LDK’ja ka qëndrimin e njejtë që dënon vazhdimin e ndalimit të Haradinajt.

“Ne edhe në seancën e kaluar si grup parlamentar, kemi thanën qëndrimin kundër për atë që po i ndodhë Haradinajt. Pajtohemi që sot të ketë një rezolutë, por të harmonizojmë një tekst për këtë rezolutë”, ka deklaruar Beqiri.

Ndërkaq, edhe deputetja Duda Balje nga 6+ ka kërkuar që të hartohet një rezolutë e përbashkët.

Kështu, duke konkluduar se shumica e deputetëve janë për krijimin e një komisioni për diskutimin dhe harmonizimin e rezolutës, Xhavit Haliti si udhëheqës i seancës ka kërkuar gjysmë ore pushim për t’u mbledhur komisioni./gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë