Loading…

AAK zyrtarizon Leonard Llollunin si kandidat për kryetar komune të Junikut

  • 09/12/2023 | 21:41

AAK zyrtarizon Leonard Llollunin si kandidat për kryetar komune të Junikut

Kryetari i Aleancës për Ardhmërinë e Kosovës (AAK), Ramush Haradinaj, në vazhdën e takimeve me degë, ka takuar sot strukturën e asaj në Junik.


Haradinaj ka thënë se momentumi pozitiv i Aleancës në Junik dhe diskutimi i frytshëm e vërteton qëndrushmërinë tonë politike dhe fuqinë tonë në Junik.

“Sot në Junikun e historisë, në takim me kolegët nga Aleanca zhvillova një diskutim përmbajtësor për zhvillimet aktuale në vendin tonë dhe aspektet organizative në degë. Momentumi pozitiv i Aleancës në Junik dhe diskutimi i frytshëm e vërteton qëndrushmërinë tonë politike dhe fuqinë tonë në Junik”, ka thënë Haradinaj.

Haradinaj ka bërë të ditur se Leonard Llolluni do të jetë kandidat i AAK-së për kryetar të Junikut në zgjedhjet e ardhshme lokale.

“Në këtë takim, z. Leonard Llolluni mori edhe zyrtarisht besimin për të qenë kandidat i AAK-së për kryetar komune i Junikut. Leonardi është pjesë e gjeneratës së re të politikanëve që u rritën me Aleancën. Ai shërbeu për disa vjet në Komunën e Junikut si drejtor i Zhvillimit Ekonomik, ku shkëlqeu me rezultate shumë të larta, veçanërisht në promovimin e turizmit në Junik. I përkushtuar dhe i përgjegjshëm në punë, ai fitoi besimin e elektoratit junikas, duke dalë më i votuari në zgjedhjet nacionale të vitit 2021, ndërsa në zgjedhjet e fundit partiake, ai mori udhëheqjen e Aleancës në Junik”.

“Urime Leonard! Suksese të përbashkëta në rrugëtimin tonë drejt një të ardhmeje më të mirë për Junikun”, është shprehur Haradinaj.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë