AAK: Zgjedhjet e jashtëzakonshme po vijnë, Kurti dështoi

AAK mbledhi kryesinë për të analizuar situatën politike, duke konstatuar se Kosova po rrëshqet pashmangshëm drejt zgjedhjeve të reja, transmeton Gazeta Metro.

Sipas kryesisë së AAK-së, dështimi për të gjetur një gjuhë të përbashkët për Presidentin dhe mungesa e një plani të mirëfilltë nga ana e Qeverisë, po e çojnë Kosovën prapë para kutive të votimit.

Në njoftimin e tyre për media, partia e Haradinajt po ashtu hodhi akuza direkte mbi mënyrën se si po udhëhiqet vendi

“Gjatë takimit u diskutua edhe për zhvillimet aktuale politike në vend. Mungesa e rezultateve në qeverisje, në mungesë të një agjende të qartë zhvillimore dhe bashkëpunuese, fatkeqësisht po e shtyn vendin prapë drejt zgjedhjeve të jashtëzakonshme”, deklaroi Haradinaj./gazetametro.net