Loading…

A gaboi Kosova që u tërhoq nga aplikimi për Interpol

  • 27/09/2017 | 23:09

A gaboi Kosova që u tërhoq nga aplikimi për Interpol

Shteti i Palestinës dhe Ishujt Solomon janë shtetet më të reja anëtare në Interpol. Kosova, pak ditë para mbajtjes së Asamblesë së Përgjithshme të Interpolit, që u mbajt në Kryeqytetin e Kinës në Pekin e tërhoqi kandidimin.


Njohësi i çështjeve të sigurisë, Burim Ramadani, thotë se në veprimin e shtetit tonë për tërheqje të aplikimit ndikuan shumë faktorë, ndër ta edhe shteti ku do të mbahej takimi.

Ndërsa për Avni Islamin, ky veprim i shtetit të Kosovës është i gabuar. Ai thotë se institucionet kanë nisur vonë angazhimin e tyre politik rreth anëtarësimit në këtë organizatë ndërkombëtare.

Njohësit e çështjeve politike presin që institucionet e Kosovës do të punojnë fuqishëm që në tetorin e vitit 2018, Kosova të arrijë ta përfundojë këtë mision i cili do t`i sillte favore Kosovës jo vetëm në aspektin politik, por edhe në luftimin e krimit të organizuar dhe terrorizmit.

Ramadani dhe Islami thonë se nevojat e Kosovës për anëtarësim në Interpol janë të mëdha, sidomos në këtë kohë kur e gjitha bota po përballet me luftimin e ekstremizmit fetar. Sipas tyre, institucionet e sigurisë në Kosovë kanë kontribuar mjaftueshëm në luftimin e dukurive që kanë rrezikuar sigurinë shtetërore duke e dëshmuar atë edhe me operacione të ndryshme.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë