Nga sot, shtetasit e Gjeorgjisë udhëtojnë pa viza

Gjeorgjianët nga sot do të udhëtojnë pa viza në Zonën Schengen. Komisioni Europian kishte rekomanduar vitin e kaluar më saktësisht në muajin mars, që gjeorgjianet të udhëtojnë pa viza në vendet e Bashkimit Europian, që janë pjesë e Schengenit.

Ndërkaq rekomandimi i KE’së që kosovarët të udhëtojnë pa viza ishte bërë gjatë muajit maj të vitit 2016. Por, Kosovës i janë komplikuar punët pasi nuk ka miratuar në Kuvend demarkacionin që është kriteri i fundit i papërmbushur për çështjen e vizave, transmeton Express.

Opozita ka kundërshtuar fortë aprovimin e demarkacionit në Kuvend duke pohuar se vendi ka humbur territor nga marrëveshja me Malin e Zi. Ndërkaq partitë në pushtet kanë pohuar të kundërtën.