8 personat që kanë pasuri sa gjysma e botës (Foto)

Tetë miliarderë kanë më tepër pasuri se gjysma e banorëve të planetit Tokë marrë së bashku. Ata janë të gjithë meshkuj dhe shumica prej tyre e kanë fituar pasurinë  tyre nga teknologjia.

---

Nga kjo listë prej tetë njerëzve më të pasur të botës, gjashtë janë amerikanë, një meksikan dhe një spanjoll. Shumë prej tyre janë zotuar se pasurinë do ta dhurojnë për bamirësi.

 

BILL GATES

Themeluesi i Microsoft është i pasur 75 miliardë dollarë. I shpallur më shumë se dhjetë herë si njeriu më i pasur në botë, ai ka premtuar se të gjithë pasurinë e tij do ta shkrijë për bamirësi, kurse tre fëmijët e tij do të trashëgojnë ‘vetëm’ nga 10 milionë dollarë secili.

 

AMANCIO ORTEGA

Pronari i markës së butikut ‘Zara’ vlen 67 miliardë dollarë. Butiku i tij ka 7 mijë dyqane në të gjithë botën. Ortega konsiderohet njeriu më i pasur në Europë.

 

WARREN BUFFET

Miku më i mirë i Gates e filloi aktivitetin e tij si 11 vjeçar. A tashmë ka pasuri prej 60.8 miliardë dollarësh. Këshillat e tij për të bërë biznes i ndjekin qindra njerëz në mbarë botën.

 

CARLOS SLIM

Pasurinë  tij, Slim e ka fituar më së shumti nga kompania e telekomunikimit, America Movil që vlen 42 miliardë. Ai u rangua si personi më i pasur në botë para tri vitesh, por zbriti në listë nga rënia e ekonomisë latine.

 

JEFF BEZOS

Themeluesi i kompanisë Amazon ka pasuri prej 45.2 miliardë dollarësh. Ai është edhe i gazetës The Washington Post, e cila shënoi rritje pas blerjes nga ai. Gjithashtu, ai ka themeluar kompaninë Blue Origin, e cila mëton ta lansojë turizmin në hapësirë.

 

MARK ZUCKERBERG

Zuckerberg themeloi Facebookun më 2004 ,kompani që tash vlen 44.6 miliardë dollarë. Ai i nxori aksionet e kompanisë së tij në shitje për investitorët më 2012, duke u bërë multimiliarder. Ai thotë se do të dhurojë 50 miliardë dollarë për bamirësi, pasi të shesë 99 përqind të Facebookut.

 

LARRY ELLISON

Ellison ka në pronësi kompaninë Oracle, kompani që merret me programe teknologjike dhe databaza. Oracle vlen 160 miliardë dollarë, por ai ka ‘vetëm’ 27 përqidn të kompanisë.

 

MICHAEL BLOOMBERG

Ish-kryetari i qytetit të New Yorkut vlen 40 miliardë dollarë. Ai e krijoi pasurinë e tij duke u shitur të dhëna firmave që merren me shëbime financiare. Më 2011, ai u fut në politikë duke u bërë tri herë kryetari i New Yorkut. /gazetametro.net