Loading…

‘76% e nxënësve s’dinë të lexojnë, të tretët nga fundi në PISA 2018’

  • 24/01/2022 | 11:48

‘76% e nxënësve s’dinë të lexojnë, të tretët nga fundi në PISA 2018’

Përfaqësuesi i Organizatës për Cilësi në Arsim (ORCA), Dibran Hoxha, ka kritikuar SBASHK-un, që pati thënë se metodologjia e PISA-s për test nuk është në pajtueshmëri me metodat tona të mësimdhënies.


Hoxha ka thënë se 76 për qind e nxënësve nuk dinë të lexojnë, të tretët nga fundi në PISA për vitin 2018, ku në këtë test kanë marrë pjesë 79 vende.

Postimi i plotë i tij:

Në Ditën Ndërkombëtare të Arsimit në Kosovë:

76% e nxënësve nuk dinë të lexojnë, të tretët nga fundi në PISA 2018 (79 vende pjesëmarrëse).

SBASHK-u thotë se PISA na ka bo me hile, se metodologjia e PISA-s nuk është kompatibile me metodat tona të mësimdhënies, në ndërkohë e vetmja gjë kompatibile për ta, është rritja e pagave.

Stafi akademik i universiteteve publike, nga 44% Prishtina deri te 65 % Prizreni e Gjilani, NUK i justifikojnë titujt akademik.

Shumica e universiteteve publike shpenzojnë mbi 50% të buxhetit për paga dhe mëditje të stafit akademik, me 75% Mitrovica dhe 53% Ferizaj.

Profesorët plagjiatorë vazhdojnë me “iluminu” rinën me shkencë.

Mbi 20.000 diploma të pavlefshme për shkak të dallavereve të kolegjeve private.

Sipas Agjencisë së Statistikave, numri i studentëve në vend është 95.335, sa prej tyre do gjejnë punë?! Sa prej tyre angazhohen për me ndryshu këtë gjendje?!

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë