Loading…

13 vdekje në vende të punës këtë vit, Inspektorati ankohet se s’ka staf të mjaftueshëm

  • 29/08/2018 | 20:42

13 vdekje në vende të punës këtë vit, Inspektorati ankohet se s’ka staf të mjaftueshëm

Numri i punëtorëve që po vdesin në vendin e punës në Kosovë është duke shkuar në rritje.


Këtë, Bashkimi i Sindikatave të Pavarura të Kosovës po e quan alarmante, raporton KTV.

Kushtet jo të favorshme në punë, mungesa e mjeteve të duhura për punë, problemet me sigurime shëndetësore, janë vetëm disa nga hallet, me të cilat po përballen punëtorët në Kosovë.

Avni Ajdini, kryetar i BSPK-së, thotë se duhet të këtë aktakuza kur rastet përfundojnë me fatalitet në vend të punës, e jo vetëm gjoba simbolike për kompanitë private.

Ai ka kritikuar Inspektoratin e Punës se nuk po bën më shumë në lidhje me të drejtat dhe përmirësimin e kushteve të punës për punëtorët, e në veçanti për ata të sektorit të ndërtimtarisë.

Sipas kryetarit të BSPK-së, Inspektorati i Punës nuk po jep dënime të duhura, pasi ka frikë nga pushtetarët.

Por, në Inspektoratin e Punës thonë ndryshe.

Kryeinspektori i Punës, Basri Ibrahimi, ankohet se kanë numër të vogël inspektorësh e që kanë bërë kërkesë që ky numër të rritet.

Në Kosovë, janë shtuar raste të shumta të punëtorëve, të cilët vdesin në vendin e punës, si pasojë e kushteve jo të favorshme për punë, ndërkaq Inspektorati i Punës vetëm gjatë 7 mujorit të 2018-ës, nga 5700 inspektime të bëra, ka gjobitur 169 kompani private e publike.

Dënimi më i madh që ka shqiptuar Inspektorati i Punës ndaj kompanive që kanë shkelur ligjin është 118 mijë euro.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë