1 prill, 8 tregime që duken si gënjeshtra por janë të vërteta (Foto)

Më 1 prill është vështirë të besohen disa tregime, sidomos pasi ka gjëra që në shikim të parë duken të pavërteta, por e vërteta është ndryshe.

BBC ka përpiluar një listë prej 8 faktesh që duken si gënjeshtra për tu treguar më 1 prill, por që në të vërtetë janë tërësisht të vërteta.

1. Sot, pra më 1 prill, është Dita Ndërkombëtare e Përleshjeve me jastëkë. ‘Luftërat’ me jastëkë organizohen në Hong Kong, Barcelonë, Hull, Chicago, Bangalore e Amsterdam.
2. Pamela Anderson ‘e do’ Julian Assangen. Duket si relacion i çuditshëm, por aktorja e famshme amerikane ka thënë se ajo çfarë ka bërë Assange për botën nëpërmjet Wikileaks është ‘romantike’. Ende nuk dihet nëse ata kanë lidhje aktive.
3. Futja e tekstit të Shekspirit në muzikën rep ndihmon nxënësit që të përmirësohen. Këto këngë speciale incizohen për t’ju ndihmuar nxënësve që të mbajnë mend atë çfarë mësojnë në klasë.
4. Jeta e një mace ishte shpëtuar me një ‘vodka shot’. Veterinerët i dhanë maces një gotë vodkë, për ta shpëtuar macen nga helmimi prej lëngut të veturave. Ajo u trajtua dhe pas 24 orësh shpëtoi, pasi vodka funksionoi si antidot i helmit.

5. Lojtari i kriketit Gary Ballance nuk do të luajë në një ndeshje për shkak se nuk mund t’i dallojë                     ngjyrat. Për shkak se topi në këtë kampionat është ngjyrë rozë, ai nuk mund ta dallojë në fushë, prandaj                       nuk mund të luajë.

6. Një adoleshent ka organizuar party për ta ‘përshëndetur’ këmbën e tij. Thomas Green ka pasur                     20 operacione të pasuksesshme për ta shpëtuar këmbën e infektuar. Kur mjekët i thanë se ajo duhej                               këputur, prindërit e tij ia organizuan një festë me shokë dhe më një tortë në formë të këmbës.

Një gjyshe 82 vjeçare punon si DJ në Japoni. Pas 50 vitesh si menaxhere në një restorant, Sumiko Iëamuro zbuloi talentin e saj në një party, kurse tash ajo lëshon muzikë rok e techno jazz. Ajo punon në Tokio nën nofkën Dj Sumirock.

Kina ndalon mjekrat e gjata. Në regjionin Xianjing të Kinës janë marrë masa ndaj mjekrave ‘jonormale’, si fushatë kundër ekstremizmit islamik. /gazetametro.net