​Trajneri i Moldavisë: Duhej të përjashtohej edhe Aliti

Trajneri i Moldavisë Engin Firat, ka folur pas ndeshjes ku ka deklaruar se skuadra e tij nuk e ka merituar humbjen.

Firat tha se nuk e di pse nuk ju dha kartoni i kuq edhe lojtarit të Kosovës, Fidan Aliti.

Ndryshe ai tha se skuadra e tij luajti mirë dhe se humbjen nuk e merituan sonte ndaj Kosovës.

“Sonte ishte një ndeshje ku unë e urreva futbollin sepse skuadra ime luajti shumë mirë dhe humbja nuk ishte e merituar për ne. Unë nuk e kuptoj si nuk u dha edhe kartoni i dytë i kuq për Kosovën, më saktësisht për Fidan Alitin pas të gjitha atyre ndërhyrjeve të palejueshme. Gjithsesi ky është futbolli dhe ne e dimë që Kosova ka skuadër më të mirë”, deklaroi në fund Firat.