​Katër arsye pse keni dhimbje koke

Shkaqet e dhimbjeve të kokës shpesh nuk janë sëmundje serioze dhe kronike, siç mendohet përgjithësisht, por faktorë të jashtëm të mjedisit të papritur.

Meqenëse kjo është një nga “dhimbjet” më të zakonshme, e cila herë pas here i mundon pothuajse të gjithë, mund të jetë e dobishme të njihni disa shkaqe të shfaqjes së saj.

Ata që vuajnë nga dhimbje koke duhet të shmangin dritën e fortë dhe të kalojnë më shumë kohë në dhoma më të errëta. Qendra Shëndetësore Beth në Izrael ka zbuluar një lidhje midis neuroneve të syrit dhe trurit që kontrollojnë parametrat fizikë, të tilla si rrahjet e zemrës, gulçim, lodhje dhe të përzier.

Marrja e dozave të mëdha të ilaçeve që përmbajnë kodeinë mund të shkaktojë dhimbje koke të forta, sipas hulumtimit nga Universiteti i Adelaidës. Në planin afatgjatë, efektet e këtyre ilaçeve do të përkeqësojnë problemin e dhimbjes së kokës sesa ta ndihmojnë atë.

Shkencëtarët nga Universiteti Cincinnati në SHBA kanë provuar se ekziston një rrezik prej 19 për qind më i lartë i dhimbjeve të kokës gjatë stuhive, gjë që do të thotë se ajo ka një ndikim unik te njerëzit, në varësi të ndjeshmërisë individuale.

Ndërsa drita artificiale stimulon dhimbje koke, mungesa e vitaminës D dhe rrezet e diellit rrisin rrezikun e dhimbjeve kronike të kokës, tregojnë hulumtimet. Shkencëtarët studiuan nivelin e kësaj vitamine në 2,600 njerëz, dhe ata me nivelet më të ulëta ishin më të prirë për dhimbje kronike koke se të tjerët.